الدورة الشاملة والكاملة في الربح من الانترتت
بسم الله الرحمن الرحيم
السلام عليكم ورحمة الله وبركاته
الدورة الشاملة والكاملة في الربح من الانترتت
تلخيص لكل ما تكلمنا عنه سابقاً
* اولاً ما هو الربح من الانترنت...؟
الربح من الانترنت دا يا سادة عبارة عن قيامك انت بمهام او خدمات لشخص كفرد او لمجموعة او حتى لشركة الكترونية بتلقى بدلا عنها قروش الكترونية قابلة للتحويل الى قروش حقيقية كعملة واقعية .فمثلا :
لو زول عنده شركة عاوز يروج ليها ويجيب مشتركين تمام ..؟ ... انت بتسجل في الشركة دي وحتلقى شي يسمى بالريفال او رابط الدعوة ..
طيب ح تسألني يعني شنو ريفال ..؟
(الريفال عبارة عن رابط او لينك شخصي خاص بيك اي زول يخش الرابط دا ويسجل انت بتحصل على عمولة عن طريقه )
يلا انت بتمش الموقع للريفال دا .. حتلقى انه بقول ليك عندما يسجل شخص ما عن طريقك انت تحصل على كذا مثلا مبلغ مثلا 30% ارباح او كده ....
والخدمة الى انت بتقدمها انك تنشر رابطك والناس تسجل وانت بي كده عملتا شراكة انك جبتا ناس للشركة دي و م ضروري الخدمة تكون جلب ناس دا كمثال بس م اكتر من كدا..
في انواع كتيرة من الخدمات مثلا في شركات بتحتاج منك بس تسجل وتضغط على اعلانات وكل اعلان بدوك فيه سنت اميركي تضغط 100 اعلان بـ 1 دولار وكده .
يعني كل الخدمات بتكون بمقابل مادي معين عشان كده الربح انواع بس من ناحية الربح حقيقي ولا لا اساسا الربح بعتمد على الزول انت زول جادى بالنسبة ليك حيكون حقيقي .
اما اذا انت زول بتاع لعب ساي يعني كسلان و م بتعمل شي وعاوز تربح 100 دولار انت بتحلم ساي ي مان .
لاكن لو جادى انت 100 دولار دي لعب شفع بالنسبة ليك يعني من ناحية حقيقي ولالا
هو حقيقي وبعتمد على الزول الى شغال فيه لانه عبارة عن شغل حقيقي 100% .
* ثانيا طرق الربح :-
في طرق متعددة منها :-1 - جمع العملات الرقمية .
2 - اليوتيوب (تعمل قناة يوتيوب وتنشر فيدوهات) .
3 - التدوين(تعمل مدونة او موقع على جوجل وتنشر مقالات).
4 - اختصار الروابط .
5 - مشاهدات وضغط الاعلانات .
6 - نشر اعلانات .
7 - التعدين .
8 - التسويق الالكتروني .
9 - العمل على التطبيق لجمع المال .
يلا ديل اشهر طرق الربح وجمع المال كل الى عليك تحدد انت احسن شي بتقدر تعمله شنو وتبدأ بيه ربحهم كلهم كويس الا رقم 4 و5 ديل محتاجات زمن ومجهود وكمان جمهور ليهم
ودا شرح مختصر ومفصل لكل واحدة :
اولاً : جمع العملات الإلكترونية بالتفصيل :-
اول شي يعني شنو عملات الكترونية ...؟يعني عبارة عن عملات بتم التعامل بيها في النت ومافي منهم نقود ورقية لاكن ممكن تتحول لعملات ورقية بقيمة العملة الى عايز تحولها وهي كله عبارة عن اكواد برمجية
يعني البيتكوين دا كود برمجي طويل جدا وكل العملات الرقمية عبارة عن اكواد
لو دوج او لايت او داش او بيتكاش او اي عملة الكترونية لاقتك او لو حتى جديدة .
يلا اي عملة منهم عندها قيمة معينة كمثلا البيتكوين ممكن تتحول بالدولار لـ6430 دولار
يعني تدي البنك 1 بيتكوين حيديك 6430 دولار ورق لاكن غالبا بشيل عمولة عشان يحولها لورق
طيب من البديهي انك ح تسالني يعني شنؤؤ عمؤؤلة ي وميض..؟
(طيب ي فردة العمولة عبارة عن ضريبة للتحويل من بنك الى بنك اخر...
مثلا عندك قروش في البنك (A) عاوز تحولها للبنك (B) البنك (A) حيطلب منك ضريية عشان ينقل ليك قروشك من حسابك فيه لحسابك الجديد في البنك (B) اقرب ليك الفهم اكتر لو عندك 100 دولار في البنك (A) داير تحولها الي البنك (B) ظابط..؟ يلا طبعا عشان البنك (B) يربح منك ح يخصم منك قروش بسيطة مثلا 10 سنت في كل 10 دولار يعني سنت في الدولار يعني القروش لمن تصل للبنك (B) ح تصل 90 دولار وكدا نفس الفهم دا بس ).
واي عملة الكترونية مقسمة لـ10 مليون جزء يعني قطعة البيتكوين الواحدة عبارة عن
1.000000000 م 1 صحيح بس , واي جزء من ديل اسمه ساتوشي يعني لو عندك 0.001 بيتكوين دا معناه ان عندك 100000 ساتوشي بيتكوين واي عملة مقسمة بنفس العدد دا وعندها ساتوشي خاص بيتها مثلا الدوج كوين عبارة برضو عن 1.000000000 جزء وكل واحد ساتوشي ويلا دا معناه ان ساتوشي اي عملة بختلف واي عملة سعرها بختلف وكودها بختلف .
يلا اهم شي انت كيف بتربح منهم...؟
انت كل الى عليك تشتغل في مواقع والمواقع دي بتدفع بيك عملات حسب شغلك يعني زي اليوروزيا (الناس البعملو اي عمل مقابل مبلغ معين) فممكن واحد يقول ليك انا بديك 0.001 بيتكوين مقابل تنشر لي شركتي عندك او خش موقعي وسجل او حتى خش قناتي حقت اليوتيوب واشترك وكده يعني م شي مقيد الربح منهم وعشان كده ساهل شديد واحسن طريقة ربح ومضمونة .
ثانياً : اليوتيوب :-
الربح من اليوتيوب دا عبارة عن انك تنشئ حساب في جوجل وتسجل بيه في اليوتيوب وبعديها تخش خيار عمل قناة و تأكد القناة وبعد كده تنشر فيدوهات
وتجيب مشاهدات وتشتهر وتجمع مشتركين ولمن تصل 1000 مشترك و 4,000 ساعة مشاهدة تمش تعمل اتفاق او شراكة مع شركة جوجل ادسنس الى هي حتنشر اعلانات عندك وتدفع ليك والربح من اليوتيوب بحتاج مجهود بس ممكن شهرك يطلع ليك باقل تقدير 100 دولار كده يعني تعب مربح جدا ودي اكتر اكتر اكتر طريقة مربحة ممكن تتلقى
ثالثاً : التدوين :-
نفس اليوتيوب تنشر مقالات وتشهر مدونتك وبعديها تتفق مع ادسنس وتنشر اعلانات وانت تربح وبرضو مربحة شديد ممكن تطلع ليك بـ 100 دولار برضو.رابعاً : اختصار الروابط :-
ودا عبارة عن انك تعمل حساب في شركة اعلانات وانت تجيب ليهم اي نوع بتاع روابط من جوجل او اي شي او حتى روابط العاب تقوم تديهم للموقع الموقع بديك رابط من نوع معين وبعد كده تنشر الرابط في اي حته واي زول يخش الرابط دا ويتخطاه ويخش الرابط الاصلي الى رسلته للموقع انت بتربح عن طريقه قروش
بس ربحها ضعيف ممكن في 1000 نفر يختصر الروابط دا تحصل بس على 8 دولار
يعني ربح م نافع ههههه .
خامساً : مشاهدة وضغط الاعلانات :-
يلا دي طريقة ربح بتحتاج بس يكون عندك نت وهي عبارة عن انك تشترك في شركة
والشركة كل يوم بتديك استطلاعات( استلاعات منشورات فيها مهام عشان تنجزها)
وبكون في الاستطلاع دا غالبا فيديو عشان تشاهدة ولا رابط تضغط فيه او حتى اعلان تضغط بس عليه وفي كل واحد بدوك قروش بس بتحتاج زمن وربحها م قوي شديد ابدا
ممكن يدوك زي 16 دولار كده في 10 مهمة (ح اديكم موقع حلو كدا انا كنت شغال فيه وسحبت منه حوالي 10 مرات 500 دولار) .
سادساً : نشر الاعلانات :-
نشر الاعلانات دا من اسهل طرق الربح بس بتحتاج منك انه يكون عندك حسابات احتياطية في السوشال ميديا عامة كدا وكمان خبرة عشان تعرف الموقع البدفع ليك في النشر والموقع النصاب الى م بدفع ليك مهما عملتا يلا بتمش لموقع من النوع الى بدأ جديد ومحتاج شهرة بتتفق معاه على انك تجيب ناس للموقع دا وبديك رابط فيه كود خاص بيك
وعكس الريفال هنا انت بتعمل اعلان براك وكل زول يشوف بس الاعلان انت بتربح منه او خشى الموقع شافه او حتى سجل يعني م ضروري يسجل زي الريفالات العادية
بس صعب ومحتاج جمهورزي العروض الى انتو بتشوفوها نوع :
ربحت ايفون 8 من هذا الموقع ادخل انت وشوف بنفسك
والحاجات دي لاكن اغلبها نصب فالنوع دا نادربس مربح جداااااااا
سابعاً التعدين :-
ودا انا خليتها براه مع انه نوع من انواع ربح العملات الإلكترونيةلاكن اتضح انه م خاص بالعملات الإلكترونية بس يلا التعدين دا عبارة عن انك تتفق مع موقع معين او سركة او اي جهة كده الجهة دي بعد الاتفاق بتتصل بمعالج وكرت الشاشة بتاعك وبتستخدمه لصنع مختلف العملات الإلكترونية عن طريق انها تكتب بيهم اكواد لصنع العملات دي وفي كل 5 دقائق بعانيها جهازك من الضغط دا انت بتحصل على عملة وكمان ممكن تعدن دولارات مباشرة بدون تعدن اي شي تاني وتسحبهم على بايبال مباشرة بدون تحويل
(* بايبال دا واحد من البنوك الى بتحفظ ليك قروشك في النت وفي منه بنك حقيقي وعنده بطاقة واي شي ممكن تعمل حساب بايبال من هنا اضغط هنا لمشاهدة الشرح
- وفي بنوك تانية زيهم منهم الباير ممكن تعمل حساب باير من هنا اضغط هنا لمشاهدة الشرح .
والماستر كارد والبايونير ويسترن يونيون وكتار بس ديل الاشهر ومن طرق حفظ العملات رقميا برضو المحافظ الإلكترونية زي الكوين بوت والبلوك جاين والكوين نت ممكن تضغط هنا عشان تسجل فيها والفوست هوب وفي غيرهم الكتير *)
ثامناً : التسويق الإلكتروني :-
ودا اسهل طريقة وربحها فوري او شي دي زي الربح عن طريق نشر الاعلانات قريبة شديد بس الاختلاف في انها بتتعلق بالمنتجات م تسجيل وكده يعني انت بتشوف مثلا زول (محمد مثلا) محمد دا عندو 100 دولار عاوز يبيعهم وفي بهناك (الاء مثلا )عاوزة تشترى 100 دولارانت بتقول لمحمد دا انا بلقى ليك زول بشترى الـ 100 دولار دي لاكن بديك بس 4000 جنيه وبتمش لي الاء دي تقول ليها ببيع ليك 100 دولار بحساب 5000 جنيه بتقوم تشيل تدي محمد رابط حساب الاء وبعد محمد يحول لي الاء
انت بتدي الـ 4000 لمحمد وتستلم 1000 جنيه ملح
يعني ممكن تقول سمسرة في النت وكده...😂
لاكن لازم تكون حناك وممكن تحنك شركات وفي طرق منها انه الشركة تقول ليك اي زول يشتري منتجنا بنديك 30% من القروش الى اشترى بيها وكده يعني هي في حد زاتها ربح سريع جدا بس بتحتاج جمهور حبة كده وكمان بتحتاج خبرة وكمان للاسف نادرة شديد.
تاسعاً واخيراً : الربح من التطبيقات :-
ودا ربح بجمع بين الطرق ال8 السابقين لي ...؟لانه عن طريق تطبيق ممكن تنشر وتستلم اعلان وفي تطبيقات نادرة زي تطبيق الربح من المشي وكده وفي تطبيقات بتربح منك زي كلين ماستر و شير ايت وديل
وفي طرق كمان كتيرة .
ودا كلو موضوع الدورة الشاملة والكاملة في الربح من الانترنت ان شاء الله اكون اتوفقت في انؤ اوصل ليكم الفهم بصورة جذابه وبكل اريحية ..
الي ان نلقاكم في شرح اخر بإذن الله .
ويديكم العافية .. وبالتوفيق للجميع .
لمتابعة قناة عالم الانترنت علي التلغرام اضغط هنا
لمتابعة قناة عالم الانترنت علي اليوتيوب اضغط هنا
لمراسلتي علي التلغرام اضغط هنا
لمراسلتي علي الفيس بوك اضغط هنا
لمتابعة قناتي الشخصية علي اليوتيوب اضغط هنا
م / الوميض الازرق 100k
مقترح قد يهمك في دورة الربح عبر الانترنت :